ہانگ کانگ مخصوص انتظامی خطہ (HKSAR) کے محکمہ امیگریشن کے سرورق پر خوش آمدید۔

ہانگ کانگ امیگریشن سروس مؤثر امیگریشن(نقل مکانی) کنٹرول اور قوانین کو نافذ کرنے کے لیے پرعزم ہے۔ مزید برآں، سیاحوں، کاروباری زائرین اور ہانگ کانگ کے رہائشیوں کے لیے سفر میں آسانی اور سہولت فراہم کرنے پر مساوی زور دیا جاتا ہے تاکہ بین الاقوامی مالیاتی اور تجارتی مرکز کے ساتھ ساتھ ایک سیاحتی مرکز کے طور پر بھی ہانگ کانگ کی طاقت برقرار رکھی جا سکے۔ مقامی رہائشیوں کو فراہم کی جانے والی خدمات میں HKSAR پاسپورٹ اور دیگر سفری دستاویزات، ویزا اور شناختی کارڈ کا اجرا، شہریت کے معاملات اور پیدائش، اموات اور شادیوں کا اندراج بھی شامل ہے۔ علاوہ ازیں، محکمہ امیگریشن ہانگ کانگ سے باہر مصیبت میں گھرے ہانگ کانگ کے رہائشیوں کو قابل عمل مدد فراہم کرتا، دہشت گردانہ کاروائیوں کے خلاف حفاظت کرتا، اور امیگریشن سے متعلق جرائم کو روکتا اور ان کا پتہ لگاتا ہے۔

یہ صفحہ گاہک مرکوز ہے، جو صارفین کو الیکٹرانک سروسز اور ہماری خدمات کے تمام پہلوؤں کے بارے میں ضروری معلومات تک آسان رسائی فراہم کرتا ہے۔ آپ کو ہمارا نصب العین، مقصداور اقدار، اور ہماری تنظیم اورعہدِ کارکردگی بھی یہی ملیں گے۔

محکمہ امیگریشن قومی سلامتی کے تحفظ کے مقصد کو پورا کرنے اور ہانگ کانگ کے استحکام اور خوشحالی میں اپنا کردار نبھانےکے لیے وقف ہے۔ اپنے عملے کی بھر پور کوششوں اور عوام کے تعاون سے، ہم دنیا میں مؤثریت اور کارکردگی کے لحاظ سے اولین امیگریشن سروس بننے کے اپنے نصب العین کے ساتھ آگے بڑھیں گے۔

میں امید کرتا ہوں کہ آپ ہمارے سرورق کو معلومات افزا اور مفید پائیں گے۔

جناب کوک جون-فُنگ، بینسن
آئی ڈی ایس ایم
ڈائریکٹر برائے امیگریشن

کنٹرول

• داخلے/خروج پر کنٹرول کی مد میں پالیسی کی تشکیل اور عمل درآمد؛
• زمینی، سمندری اور ہوائی راستے سے آنے جانے والے مسافروں کی جانچ۔

نفاذ

• تفتیش اور امیگریشن سے متعلق استغاثہ کو نمٹانے کی مد میں پالیسیوں کی تشکیل اور عمل درآمد؛
• ملک بدری اور اخراج (ماسوائے عدم بے دخلی دعویداروں کے)کی مد میں اقدامات کی تشکیل اور عمل درآمد؛
• کیسئل پیک بے امیگریشن سینٹر کا انتظام؛
• انسداد دہشت گردی سے متعلق اقدامات پر عمل درآمد اور ان کا جائزہ لینا۔

انفارمیشن سسٹمز

• نئے انفارمیشن سسٹمز کی منصوبہ بندی اورعمل درآمد؛
• موجودہ انفارمیشن سسٹمز کا انتظام ؛
• ریکارڈزاور ڈیٹا کا نظم و نسق۔

نظم و نسق اور معاونت

• عملے کی تربیت اور تعیناتی سمیت محکمہ بھر میں انتظامی معاونت فراہم کرنا؛
• شکایات موصول کرنا، ان کی نگرانی کرنا اور جائزہ لینا، اندرونی معائنے اور آڈیٹنگ کی خدمات فراہم کرنا تا کہ یقینی بنایا جا سکے کہ مروجہ پالیسیوں اور طریقہ کارپر اچھی طرح، احسن اور مؤثر لاگت سے عمل درآمد کیا گیا ہے۔

ذاتی دستاویزات

• مقامی باشندوں کو ہانگ کانگ مخصوص انتظامی خطہ (HKSAR)کے پاسپورٹ اور دیگر سفری دستاویزات کا اجراء؛
• رہائشیوں کو شناختی کارڈ کا اجراء؛
• مستقل شناختی کارڈ اور HKSAR پاسپورٹ سے متعلق اپیلوں کا جائزہ لینا؛
• بنیادی قانون کے تحت رہائش کے حق کے دعو‎ؤں سے متعلق درخواستوں پر کارروائی کرنا؛
• چینی شہریت کے قانون سے متعلق درخواستوں پر کارروائی کرنا؛
• پیدائش، اموات اور شادیوں کا اندراج؛
• ہانگ کانگ مخصوص انتظامی خطہ (HKSAR)کے رہائشیوں کے لیے بغیر ویزا سفر کے اہتمام کے لیے گفت وشنید کرنا؛
• HKSAR سفری دستاویزات کی قبولیت کو فروغ دینا؛
• ہانگ کانگ سے باہر مصیبت میں گھرے HKSAR رہائشیوں کو قابل عمل مدد فراہم کرنا۔

ملک بدری کی جانچ پڑتال اور قانونی چارہ جوئی

• عدم بے دخلی دعوی کیسوں اور عدم بے دخلی دعوی اور نفاذ سے متعلق قانونی چارہ جوئی کے کیسوں کا جائزہ لینا؛
• عدم بے دخلی دعوؤں کی جانچ کی حکمت عملی پر نظر ثانی اور عمل درآمد کرنا؛
• غیرمنظور شدہ عدم بےدخلی دعویداروں کے اخراج اور ملک بدری کی مد میں اقدامات کی تشکیل اور عمل درآمد۔

ویزا اور پالیسی

• ویزوں کا اجراء اور قیام میں توسیع دینا؛
• ویزا کنٹرول کے معاملات پر تحقیق کرنا اور پالیسی کا جائزہ لینا؛
• HKSARمیں رہائش کے حق کے لیے استحقاق کے سرٹیفکیٹ کی درخواستوں پر کاروائی کرنا؛
• ویزا کنٹرول کے معاملات اور استحقاق کی درخواستوں کے سرٹیفکیٹ کے سلسلے میں اپیلوں، اعتراضات یا عدالتی نظر ثانی پر مقدمات کا جائزہ لینا۔

ہمارا نصب العین
ہم دنیا میں مؤثریت اور کارکردگی کے لحاظ سے اولین امیگریشن سروس ہوں گے۔

ہمارا مقصد
ہم قومی سلامتی کا تحفظ اور ہانگ کانگ کے استحکام اور خوشحالی میں اپنا کردار مندرجہ ذیل کے ذریعے نبھائیں گے:

• حقیقی مسافروں کے دورے میں سہولت فراہم کرنے اور ناپسندیدہ کو دور رکھنے کے لیے مؤثر امیگریشن کنٹرول کا استعمال؛
• ہانگ کانگ سے باہر مصیبت میں گھرے ہانگ کانگ کے رہائشیوں کو قابل عمل مدد فراہم کرنا؛
• رہائشیوں کو انتہائی محفوظ شناختی کارڈ اور سفری دستاویزات جاری کرنا؛
• لوگوں کے اندراج اور پیدائش، اموات اور شادیوں کے دیوانی اندراج کے لیے موثر خدمات فراہم کرنا؛
• ہنر مند افراد کو راغب کرنے کے لیے امیگریشن کی سہولت فراہم کرنا۔

ہم بغیر کسی تفریق کے معیاری خدمات فراہم کریں گےاور عوام کے ہر فرد کے ساتھ کسی معذوری، جنس، ازدواجی حیثیت، حمل، خاندانی حیثیت، نسل، شہریت اور مذہب سے بالاتر ہو کو عزت، مروت اور شفقت سے پیش آئیں گے۔

ہماری اقدار

حب الوطنی و استقامت
اپنےمادر وطن اور ہانگ کانگ کے لیے اپنی محبت کے ساتھ، ہم قومی خودمختاری، سلامتی اور ترقیاتی مفادات کے تحفظ کے لیے اپنا فرض ادا کرنے میں ثابت قدم رہیں گے۔ ہم عوامی جمہوریہ چین کے ہانگ کانگ مخصوص انتظامی خطہ کے بنیادی قانون کو برقرار رکھیں گے، ہانگ کانگ مخصوص انتظامی خطہ سے وفاداری نبھائیں گے، اپنے فرائض کے لیے وقف ہوں گے اور ہانگ کانگ مخصوص انتظامی خطہ کی حکومت کو جوابدہ ہوں گے۔

دیانتداری و غیر جانبداری
ہم اپنی پالیسیوں اور طریقہ کار کو غیر جانبداری اور دیانتداری کے ساتھ لاگو کریں گے، اور ہمہ وقت اپنی دیانتداری کے اعلیٰ معیار کو برقرار رکھیں گے۔

تکریم و شفقت
ہم عوام کے ہر فرد کے ساتھ عزت، مروت، تکریم اور شفقت سے پیش آئیں گے۔ ہم ہمدرد، مختلف نقطہ نظر کی قدر کرنے والے اور مخصوص ضروریات کو پورا کرنے کے لیے پالیسیوں کے اطلاق میں لوچ دار ہوں گے۔

دیکھ بھال و ہم آہنگی
ہم اپنے عملے کی ضروریات اور ترقی کا خیال رکھنے، مواصلات کو بڑھانے، ہم آہنگی اور اعتماد کو فروغ دینے، اور عوام کی خدمت کے لیے اعلیٰ حوصلے اور ہم آہنگی کے ساتھ ایک پیشہ ور ٹیم بنانے کے لیےخلق مرکوز انتظامیہ کا انتخاب کریں گے۔

مستعدی و شعور
ہم مسلسل بدلتے معاشرتی، اقتصادی اور سیاسی ماحول کے بارے میں حساس رہیں گے، رجحانات کو ضم کرکے نئے چیلنجوں سے نمٹنے کے لیے اپنی کاروباری حکمت عملیوں اور کام کے طریقہ کار کو دوبارہ ترتیب دیں گے۔

بہتری و مثال
ہم اپنے کا م میں بہترین کارکردگی کی کوشش جاری رکھیں گے اور دنیا بھر میں دیگر امیگریشن خدمات کے لیے مثالی کرداربننے کی کوشش کریں گے۔

تعارف
ہانگ کانگ کے نوجوانوں کو متنوع نظم و ضبط اور قیادت کی تربیت فراہم کرنے کے لیےمحکمہ امیگریشن نے دسمبر 2013 میں نوجوانوں کا باوردی گروہ بنایا جسے "محکمہ امیگریشن رہبرانِ نوجوان (یوتھ لیڈرز) کور" (IDYL) کے نام سے جانا جاتا ہے۔ تربیتی پروگرام میں قومی تعلیم، امیگریشن کا علم، فُٹ ڈرِل، جسمانی فٹنس، مہم جوئی اور سماجی خدمات شامل ہیں۔ اس کا مقصد اراکین کے قومی تشخص کے احساس کو بڑھانا، ان کی حب الوطنی کو بیدار کرنا، اور ان میں قانون کی پاسداری سے متعلق آگاہی اورذاتی نظم و ضبط کو فروغ دینا ہے۔ اس کا مقصد اچھے کردار کو پروان چڑھانا، قائدانہ صلاحیتوں اور مثبت سوچ کو فروغ دینا اور اراکین میں معاشرے کی خدمت کرنے کا جوش پیدا کرنا ہے۔

تعمیر وترقی
IDYL کو پہلے "محکمہ امیگریشن رہبرانِ نوجوان" کے نام سے جانا جاتا تھا جس میں سیکنڈری 3 سے 6 کے طلباء بطور رکن تھے۔ 2021 میں، اس گروپ کو باضابطہ طور پر "محکمہ امیگریشن رہبرانِ نوجوان (یوتھ لیڈرز) کور" کا نام دیا گیا اور اس کی رکنیت کو بڑھا کر سیکنڈری 1 سے 2 کے طلباء کو شامل کیا گیا تاکہ زیادہ سے زیادہ نوجوانوں کو فائدہ ہو سکے۔

IDYL فی الحال اسکول کی بنیاد پر کام کرتی ہے۔ ہر حصہ لینے والا سیکنڈری اسکول ایک ڈویژن بناتا ہے۔ اسکول کے ساتھ طویل مدتی شراکت داری کے ذریعے، IDYL کے اراکین کے لیے باقاعدہ اور مناسب تربیت اور سرگرمیوں کا اہتمام کیا جاتا ہے۔

2023 میں، پوسٹ سیکنڈری طالب علم ٹیم "IDYL Plus" قائم کی گئی تاکہ اراکین پوسٹ سیکنڈری اداروں میں داخلے کے بعد بھی IDYL کی تربیتی سرگرمیوں میں شرکت جاری رکھ کر اپنے قیمتی تجربے کو شیئر کر سکیں اور نوجوان ممبران کے لیے اہم تربیت میں مدد کر سکیں۔

درخواست
سیکنڈری 1 تا 6 کے طلباء
درخواست کے طریقہ کار سے متعلق پوچھ گچھ کے لیے برائے مہربانی اسکول کے انچارج اساتذہ سے رجوع کریں۔
پوسٹ سیکنڈری طالب علم ٹیم (IDYL Plus)
سابق اراکین جو اعلی تعلیمی اداروں میں داخل ہیں اور " IDYL Plus" میں شمولیت کے خواہش مند ہیں، برائے مہربانی ہمیں بذریعہ ای میل youthleaders@immd.gov.hk پر رابطہ کریں۔

• موجودہ اور منصوبہ بند اقدامات
• اہتمام کردہ ترجمانی اور ترجمہ خدمات

*یہ مواد فقط انگریزی، روایتی چینی اور آسان چینی میں دستیاب ہے۔ 

خدمت کی فراہمی
سمندری جھکڑ انتباہی سگنل نمبر 8 (یا زیادہ)/"انتہائی شدید حالات"

• اگر سمندری جھکڑ انتباہی سگنل نمبر 8 (یا زیادہ) کام کے اوقات کے بعد جاری کیا جاتا ہے تو انتباہی سگنل کے نفاذ کے دوران درج ذیل دفاتر میں خدمات معطل رہیں گی:
  - امیگریشن ہیڈ کوارٹرز کے تمام عوامی دفاتر اور سیلف سروس کیوسک
  - پیدائش، اموات اور شادی کے اندراج کے دفاتر
  - اميگریشن کے برانچ دفاتر
  - لوگوں کے اندراج کے دفاتر
• اگر سمندری جھکڑ انتباہی سگنل نمبر8 (یا زیادہ) کام کے اوقات کےدوران جاری ہو تو، خدمات اس وقت تک جاری رہیں گی جب تک تمام حاضرین عوام کو خدمت فراہم نہیں کر دی جاتی۔
• حکومت کی جانب سے بعد از سپر تائیفون (طوفان) "انتہائی شدید حالات" کا اعلان کرنے کی صورت میں، مذکورہ دفاتر میں خدمات اس اعلان کے نافذ العمل رہنے تک معطل رہیں گی۔
• عمومی طور پر، انتباہی سگنل نمبر 8 یا"انتہائی شدید حالات" کے منسوخ ہونے کے 2 گھنٹے بعد خدمات بحال کر دی جاتی ہیں۔ کاروبار کے بند ہونے سے 2 گھنٹے قبل مذکورہ انتباہی سگنل کےمنسوخ ہونے کی صورت میں، اس دن خدمات معطل رہیں گی۔
• اگر خدمات کی بحالی اميگریشن کے برانچ دفاتر، لوگوں کے اندراج کے دفاتر اور پیدائش، اموات اور شادی کے اندراج کے دفاتر کے کھانے کے وقفے (اگر لاگو ہوتو) کے دوران متوقع ہے تو، خدمات دوپہر 2:00 بجے دوبارہ شروع کی جائیں گی۔

سیاہ طوفانی بارش کا انتباہی سگنل

• گر کا م کے اوقات کے بعد سیاہ طوفانی بارش کا انتباہی سگنل جاری کیا جاتا ہے تو، انتباہی سگنل کے نفاذ کے دوران خدمات معطل رہیں گی۔ اگر بعد میں انتباہی سگنل منسوخ ہو جاتا ہے تو، سمندری جھکڑ انتباہی سگنل نمبر 8 (یا زیادہ)/ "انتہائی شدید حالات" کےلیے مندرجہ بالا بیان کردہ خدمات کی بحالی کے اہتمام کو ہی اپنایا جائے گا۔
• اگر انتباہی سگنل کام کے اوقات کے دوران جاری کیا جاتا ہے تو، خدمات کام بند ہونے تک جاری رہیں گی۔

سمندری جھکڑ انتباہی سگنل نمبر 8 (یا زیادہ)، یا "انتہائی شدید حالات"، یا سیاہ طوفانی بارش کے انتباہی سگنل کے نفاذ کی صورت میں برائے مہربانی امیگریشن خدمات کی فراہمی سے متعلق تازہ ترین معلومات کے لیے ریڈیو اور ٹیلی ویژن پر ہونے والے عوامی اعلانات پر توجہ دیں۔

شدید موسمی حالات کے وقت خصوصی انتظام سے متعلق پوچھے جانے والے عمومی سوالات*

*یہ مواد فقط انگریزی، روایتی چینی اور آسان چینی میں دستیاب ہے۔